Daily Mail хабарига кўра, "Челси" ярим ҳимоячиси Матео Ковачич ёзда Лондон клубини тарк этади.
Манбага кўра, 29 ёшли хорватга асосий даъвогар "Манчестер Сити" бўлиб турибди. Қайд этилишича, “шаҳарликлар” бош мураббийи Хосеп Гвардиола футболчининг ўйинига қойил қолган.
Ковачичнинг "Челси" билан амалдаги шартномаси 2024 йилнинг ёзига қадар мўлжалланган. Хорватия терма жамоаси футболчисини Transfermarkt 40 миллион еврога баҳолаган.
Ярим ҳимоячи жорий мавсумда “кўклар” сафида 36 та ўйинда майдонга тушиб, 2 та гол урди ва 2 та голли узатмани амалга оширди. Ковачич 2018 йилдан буён “Челси” шарафини ҳимоя қилиб келмоқда, у лондонликлар билан Чемпионлар лигасида ғолиб чиқишга муваффақ бўлди.
