Италиялик собиқ футболчи Антонио Кассано Чемпионлар лигаси нимчоракфиналидан ўрин олган “Интер” – “Милан” жавоб ўйини ҳақидаги тахминлари билан ўртоқлашди. Эслатиб ўтамиз, биринчи ўйин “Интер”нинг 2:0 ҳисобидаги ғалабаси билан якунланган эди.
"Интер" турнирдан чиқиб кетиши учун 7 кишилик таркиб ёки ёшлар таркиби билан ўйнаши керак. Шунда ҳам “Милан” уларни мағлуб эта олмаслиги хавфи бор. Леау билан ёки Леаусиз фарқи йўқ, "Милан" "Интер"га ютқазади. Леау Кака ёки Роналдиньо эмас, мен уни бу даражада кўрмаяпман. Мен учун "Интер"ни мағлуб этиш учун фалокат юз бериши керак. "Россонерилар"да имконият йўқ", - дея Кассано сўзларини келтиради Football Italia.
