«Барселона» ҳужумчиси Рафинья Диаз кейинги мавсумда «кўк-анорранглилар» лагерида қолишини айтди.

«Барса»да чемпионликни қўлга киритиш мен тасаввур қилганимдан ҳам яхшироқ. Кейинги мавсумда биз кўпроқ ютуқларга эришишга ҳаракат қиламиз», - деди футболчи.

Кеча «Барселона» расман Испания чемпионига айланди.

Эслатиб ўтамиз, Рафинья ўтган ёзда «Барса»га ўтганди. 26 ёшли бразилияликнинг каталонияликлар билан шартномаси 2027 йилнинг ўрталарига қадар амал қилади.

Жорий мавсумда у ўз клуби учун барча бешта расмий турнирда 46та ўйин ўтказиб, 10 та гол урди ва 12 та голга ассистентлик қилган.