«Рома» бош мураббийи Жозе Моуриньо А Серия доирасида «Болонья»га қарши ўйиндан сўнг (0:0) жамоанинг мавсуми ҳақидаги фикрлари билан ўртоқлашди.
«Мухлислар мени тинглашлари керак. Бир неча ҳафта давомида жадвалда иккинчи ёки учинчи ўринни эгаллаб турганимизда, мен ҳар доим жамоа ҳафтада фақат битта ўйин ўтказиши кераклигини айтдим. Чунки ўйинлар сони кўпайиб кетганда, бизда иккала турнирда ҳам тўлиқ ўйнаш учун ресурсларимиз йўқ эди.
Биз улар орасида ҳеч қачон танлов қилмасликка ҳаракат қилдик, лекин охирги икки-уч ой давомида мен бу ҳақда гапиришга мажбур бўлдим.
Бизнинг мавсум ажойиб бўлди. Одамлар ўзлари хоҳлаган нарсани айтишлари ва натижаларни таҳлил қилишлари мумкин, ғалаба қозонамизми ёки йўқми, тўртинчи ёки еттинчи ўринни эгаллаймизми, менга фарқи йўқ.
Аммо бу мавсум мен учун ажойиб бўлди», - деди Моуриньо.
