«Roma» bosh murabbiyi Joze Mourinyo A Seriya doirasida «Bolonya»ga qarshi o‘yindan so‘ng (0:0) jamoaning mavsumi haqidagi fikrlari bilan o‘rtoqlashdi.

«Muxlislar meni tinglashlari kerak. Bir necha hafta davomida jadvalda ikkinchi yoki uchinchi o‘rinni egallab turganimizda, men har doim jamoa haftada faqat bitta o‘yin o‘tkazishi kerakligini aytdim. Chunki o‘yinlar soni ko‘payib ketganda, bizda ikkala turnirda ham to‘liq o‘ynash uchun resurslarimiz yo‘q edi.

Biz ular orasida hech qachon tanlov qilmaslikka harakat qildik, lekin oxirgi ikki-uch oy davomida men bu haqda gapirishga majbur bo‘ldim.

Bizning mavsum ajoyib bo‘ldi. Odamlar o‘zlari xohlagan narsani aytishlari va natijalarni tahlil qilishlari mumkin, g‘alaba qozonamizmi yoki yo‘qmi, to‘rtinchi yoki yettinchi o‘rinni egallaymizmi, menga farqi yo‘q.

Ammo bu mavsum men uchun ajoyib bo‘ldi», - dedi Mourinyo.