"Унион Берлин" ҳужумчиси Шеральдо Бекер Англия Премьер-лигасининг бир қанча клублари эътиборини тортди.
Журналист Флориан Плеттенбергнинг сўзларига кўра, 28 ёшли ҳужумчига "Фулхэм", "Вест Хэм" ва "Бёрнли" каби клублар қизиқиш билдирмоқда.
Манбанинг хабар беришича, футболчи туманли Албионга ўтишга тайёр. Битим суммаси 15 дан 20 миллион еврогача бўлиши мумкин.
Бекер ҳисобида Германия Бундеслигасининг жорий мавсумида 11 та гол ва 7 та голли узатма бор. Ҳужумчи Бундеслигадаги тўртинчи мавсумини ўтказмоқда.