"Union Berlin" hujumchisi Sheraldo Beker Angliya Premyer-ligasining bir qancha klublari e’tiborini tortdi.
Jurnalist Florian Plettenbergning so‘zlariga ko‘ra, 28 yoshli hujumchiga "Fulxem", "Vest Xem" va "Byornli" kabi klublar qiziqish bildirmoqda.
Manbaning xabar berishicha, futbolchi tumanli Albionga o‘tishga tayyor. Bitim summasi 15 dan 20 million yevrogacha bo‘lishi mumkin.
Beker hisobida Germaniya Bundesligasining joriy mavsumida 11 ta gol va 7 ta golli uzatma bor. Hujumchi Bundesligadagi to‘rtinchi mavsumini o‘tkazmoqda.