Англия Премьер-лигасининг 7-турида “Манчестер Сити”  ўз майдонида “Сандерленд”ни қабул қилди. Ўйин бошланиши биланоқ “шаҳарликлар” тезкор гол уришга муваффақ бўлдилар. Ушбу вазиятда Марио Балотеллига нисбатан ишлатилган қўполликдан сўнг белгиланган жарима зарбасини Коларов гол билан якунлади. Биринчи бўлимнинг қолган 40 дақиқасида икки томон ҳам бир қанча ҳужум қилдилар. Лекин уларнинг ҳаммаси бесамар кетди. Бўлим   1:0 ҳисобида якунланди.

Иккинчи бўлим ҳам биринчисидек мезбонларнинг устунлиги билан бошланди. Ўйиннинг 56-дақиқасида Роберто Манчини Балотеллининг ўрнига Карлос Тевесни майдонга туширди. Аргентиналик футболчи майдонга тушганига 3 дақиқа бўлиб бўлмасдан чап қанотдан Коларов томонидан етказиб берилган тўпни голга айлантиришга муваффақ бўлди. Ҳисоб – 2:0.

70-дақиқада Тевеснинг тўп оширишидан сўнг Сильва дарвоза томон ажойиб зарба берди. Лекин у тўсинга тегиб қайтди. Шундан сўнг “Сандерленд” ҳам хавфли ҳужум уюштирди. Лекин Жо Хартнинг маҳорати туфайли ҳисоб ўзгармай қолди. 

Хисобда олдинда бораётган “шаҳарликлар” қолган дақиқаларда ҳам анчагина ҳужум уюштирди. 89-дақиқада эса Милнернинг стандард вазиятдан берган кучли зарбаси туфайли ҳисоб йириклашди – 3:0.

Ўйин шу ҳисобда якунланди. “Сандерленд” устидан қозонилган ғалабадан сўнг “Манчестер Сити” 15 очко билан иккинчи ўринга кўтарилиб олди.

АПЛ. 7-тур

МАНЧЕСТЕР СИТИ - САНДЕРЛЕНД 3:0 (1:0)
Голлар: А.Коларов,5 – 1:0; К.Тевес, 59 – 2:0; Ж.Милнер, 89 – 3:0.

“Манчестер Сити”: Ж. Харт, П. Сабалета, М. Ричардрс, Ж. Лескот, А. Коларов, Ж. Милнер, Я. Туре, Г. Барри, Д. Сильва (Ж. Роддуел, 90), М. Балотелли (С. Агуэро, 56), К.Тевес (Г.Клиши, 86)

“Сандерленд”: С. Миньоле, К. Гарднер, К. Куэльяр, Ж. O'ши, Д. Роуз, А. Жонсон (Л. Саа, 68), С. Ларссон, Ж. Колбек, Ж. Макклин, С. Сессеньон (Ф. Кэмпбелл, 83), С. Флетчер.

Огоҳлантиришлар: К.Куэльяр, 3. Ж.Колбек, 81. К.Гарднер, 88.