"Манчестер Сити" ҳимоячиси Кайл Уокер "Реал"га қарши Чемпионлар лигаси ярим финал жавоб ўйинидан олдинги фикрлари билан ўртоқлашди, шунингдек, Винисиус билан қарама-қаршилик ҳақида гапирди.
"Бу барча учун муҳим ўйин, клуб учун оғир ҳафта. Биринчи ўйиндаги дурангдан кейин яхши ҳолатдамиз. Умид қиламанки, энди "Манчестер Сити" керакли натижани қўлга киритади.
Бизда Чемпионлар лигасида ғалаба қозониш учун етарлича яхши жамоа бор. Кўп қийин вазиятларни енгиб ўтдик.
Боксчилар жанг қилишади, кейин эса қўл сиқишади. Мен Винисиус билан шундай ҳис қилдим. Сиз ҳуштак чалингандан кейин ҳурматингизни кўрсатасиз, аммо бунга қадар бир биримизни "еймиз" - деди Уокер УЕФА матбуот хизматига.
