Хави тез орада Жозе Моуриньонинг «Челси»даги илк мавсумидаёқ ўрнатган рекордини янгилаши мумкин.

«Барселона» жорий мавсумда чемпионатда ўтказган 34 ўйинидан 25 тасида ўз дарвозаси дахлсизлигини сақлаб қолган.

Бу кўрсаткич бўйича Европанинг топ-5 лигасидаги рекорд натижа - бир хил 25 та ўйинни ташкил этади, лекин 38 та ўйинда қўлга киритилган. Айнан шу рақамлар билан «кўклар» 2004/05 йилги мавсумни якунлади. Ажойиб Петр Чех, Пауло Феррейра, Рикардо Карвалью, Жон Терри ва Эшли Коулдан ташкил топган афсонавий таркиб билан бирга ўша йилнинг асосий натижаларига эришилди.

Яқин ўн йилликда ҳеч ким «Челси»нинг рекордидан ўтиб кета олмайдигандек туюлди. Аммо, агар каталонияликлар қолган 4 та ўйинда яна камида бир марта ўз дарвозаси дахлсизлигини сақлаб қолишса, 18 йилдан кейин бу рекордни янгилашади.

«Барса» дам олиш кунларида «Эспаньол» устидан ғалаба қозониб, Ла Лига чемпионлигини қўлга киритди. Қолган ўйинларда Хави жамоаси «Реал Сосьедад», «Реал Вальядолид», «Мальорка» ва «Сельта» клубларига қарши майдонга тушади.

Шунингдек, «Барселона» бу мавсумда кам гол ўтказиш бўйича рекордларни янгиламоқда. Улар 13 та гол ўтказиб юборган. Ўтказиб юборилган голлар сони ҳайратланарли - 34 турда 13 та. Бу ҳар бир ўйинга ўртача 0,333 тўғри келади. Топ 5 Европа чемпионатлари тарихидаги энг яхши кўрсаткич 0,367 эди (1969/1970 йилги мавсумдаги «Кальяри»). Хўш, «Барселона» қандай қилиб бундай ажойиб ҳимояга эга? Fref маълумотларига кўра, «Барселона» жорий мавсумда 25,4 та гол ўтказиб юбориши мумкин эди.