"Бавария" ярим ҳимоячиси Жошуа Киммих "Барселона"нинг трансфер мақсадига айланди.
Каталония клуби жамоадан кетаётган Серхио Бускетснинг ўрнини боса оладиган футболчи қидирмоқда.
Журналист Ферран Мартинеснинг сўзларига кўра, Киммих бу позициясига янги номзод бўлди. 28 ёшли ярим ҳимоячи "Бавария"дан кетиш ҳақида ўйламоқда ва Хави Эрнандес "Барселона"да қураётган лойиҳа Киммихга ёқмоқда. "Кўк-анорранглилар" устози немис футболчисининг қобилиятини юқори баҳолайди.
Жошуа Киммихнинг "Бавария" билан шартномаси 2025 йилгача мўлжалланган ва унинг нархи 80 миллион еврога баҳоланган.
