Лондоннинг “Вест Хэм” клуби “Манчестер Юнайтед” сардори Харри Магуайр трансфери учун яна курашишга тайёр. Журналист Роб Доусоннинг сўзларига кўра, "болғачилар" кейинги трансфер ойнасида англиялик учун яна бир бор "қизил иблислар"га таклиф юбориш ниятида.
"Вест Хэм" январь ойида "Манчестер Юнайтед"га Магуайр борасида сўров юборган эди, аммо Эрик Тен Хаг жамоаси англияликнинг трансферини муҳокама қилишдан бош тортди. Ҳозирда раҳбарият икки асосий марказий ҳимоячи жароҳат олган ҳолда ҳам камдан-кам ҳолларда асосий таркибдан жой оладиган ҳимоячини қўйиб юборишга тайёр.
30 ёшли Магуайр 2019 йилнинг ёзида "Лестер"дан "Манчестер Юнайтед"га ўтган эди. Англиялик футболчи ҳамон футбол тарихидаги энг қиммат ҳимоячи бўлиб турибди, чунки унинг трансфери учун 87 миллион евро тўланган.
