Londonning “Vest Xem” klubi “Manchester Yunayted” sardori Xarri Maguayr transferi uchun yana kurashishga tayyor. Jurnalist Rob Dousonning so‘zlariga ko‘ra, "bolg‘achilar" keyingi transfer oynasida angliyalik uchun yana bir bor "qizil iblislar"ga taklif yuborish niyatida.
"Vest Xem" yanvar oyida "Manchester Yunayted"ga Maguayr borasida so‘rov yuborgan edi, ammo Erik Ten Xag jamoasi angliyalikning transferini muhokama qilishdan bosh tortdi. Hozirda rahbariyat ikki asosiy markaziy himoyachi jarohat olgan holda ham kamdan-kam hollarda asosiy tarkibdan joy oladigan himoyachini qo‘yib yuborishga tayyor.
30 yoshli Maguayr 2019 yilning yozida "Lester"dan "Manchester Yunayted"ga o‘tgan edi. Angliyalik futbolchi hamon futbol tarixidagi eng qimmat himoyachi bo‘lib turibdi, chunki uning transferi uchun 87 million yevro to‘langan.