Defensa Central нашри хабарига кўра, Европанинг бир қатор топ-клублари "Ривер Плейт" ярим ҳимоячиси Клаудио Эчеверрига қизиқиш билдирмоқда.
Улар орасида "Милан", "Реал", "Манчестер Сити", "Интер" ва "ПСЖ" клублари бор.
TyC Sports нашри хабарига кўра, футболчининг нархи 21 миллион еврони ташкил қилади, аммо "Ривер Плейт" ўйинчи билан янги шартнома имзоламоқчи, товон пули камида 25 миллион евро бўлиши кутилмоқда.
17 ёшли аргентиналик футболчининг амалдаги шартномаси 2025 йил охирида якунига етади.
2022 йилнинг март ойида Эчеверри Аргентина U-17 терма жамоасида дебют қилди, шундан буён у 14 учрашувда 7 та гол урди. Клаудио ҳали "Ривер Плейт"нинг асосий жамоасида дебют қилгани йўқ.