"Челси" ярим ҳимоячиси Кристиан Пулишич фаолияти ҳақида гапирди.
“Мен ҳар доим Европада ўйнашни хоҳлаганман. Мен отамга у ерда бўлишни хоҳлаётганимни айтдим. Мен улғайганимда доим Чемпионлар лигасини томоша қилганман. Бир пайтлар Европада, вақт ўтиши билан Дортмундда барқарор ўйинчига айландим. Кейин мен "Челси"га ўтдим ва Чемпионлар лигасида узоққа бордим ва унда ғалаба қозонишга муваффақ бўлдим. Бу менинг фаолиятимдаги энг яхши хотирага ўхшарди", - деди Пулишич УЕФА матбуот хизматига берган интервьюсида.
Эслатиб ўтамиз, "Челси" 2021 йилда Чемпионлар лигасида ғолиб чиққанди. Ўша финал учрашувида лондонликлар “Манчестер Сити”ни минимал 1:0 ҳисобида мағлуб этишди.
