"Манчестер Сити" ярим ҳимоячиси Бернарду Силва ЕЧЛ 1/2 финал жавоб ўйинида "Реал" устидан қозонилган ғалаба (4:0) ҳақида фикр билдирди.
“Биз учун ажойиб оқшом. Биз қийин бўлишини билардик, "Реал"ни ўз уйимизда 4:0 ҳисобида мағлуб этиш... Яна финалда бўлиш ажойиб туйғу. Умид қиламанки, бу сафар ғалаба қозонамиз.
Биринчи ўйинда ўзимни умуман яхши ҳис қилмадим. Бугун жамоадошларим ва мухлисларим учун кўпроқ нарсани қилишга ҳаракат қилишим керак эди. Мен бош билан ўйнашни жуда яхши биламан, шундай эмасми? Менинг бўйим паст, лекин бошим билан яхши ўйнайман", - дея Силвадан иқтибос келтиради УЕФА матбуот хизмати.
"Манчестер Сити" Чемпионлар лигаси финалида "Интер"га қарши ўйнайди. Финал ўйини 10 июнь куни Истанбулда бўлиб ўтади.
