Ярим ҳимоячи Итан Гелбрейт ёзги трансфер ойнасида «Манчестер Юнайтед»ни тарк этади.
Айни дамда 22 ёшли ярим ҳимоячи Англиянинг тўртинчи лигасида тўп тепадиган «Салфорд»да ижара асосида ўйнамоқда.
Daily Mirror нашрига маълум бўлишича, 30 июнь куни футболчининг «Манчестер Юнайтед» билан шартномаси тугайди ва у узайтирилмайди.
Шу тариқа, бир вақтлар жамоанинг энг яхши ёш футболчиси саналган Гелбрейт шу ёзда «қизил иблислар» лагерини тарк этади.
Жорий мавсумда ярим ҳимоячи барча турнирларни ҳисобга олган ҳолда 38 та ўйинда қатнашиб, 4 та гол урди ва 3 та голли узатмани амалга оширди.
