Yarim himoyachi Itan Gelbreyt yozgi transfer oynasida «Manchester Yunayted»ni tark etadi.

Ayni damda 22 yoshli yarim himoyachi Angliyaning to‘rtinchi ligasida to‘p tepadigan «Salford»da ijara asosida o‘ynamoqda.

Daily Mirror nashriga ma’lum bo‘lishicha, 30 iyun kuni futbolchining «Manchester Yunayted» bilan shartnomasi tugaydi va u uzaytirilmaydi.

Shu tariqa, bir vaqtlar jamoaning eng yaxshi yosh futbolchisi sanalgan Gelbreyt shu yozda «qizil iblislar» lagerini tark etadi.

Joriy mavsumda yarim himoyachi barcha turnirlarni hisobga olgan holda 38 ta o‘yinda qatnashib, 4 ta gol urdi va 3 ta golli uzatmani amalga oshirdi.