"Челси" клуби ўз ҳимоячиси Эшли Коулни твиттерда Англия футбол ассоциациясини номақбул сўзлар билан танқид қилгани учун жазолайди. Бу ҳақда клуб бош мураббийи Роберто ди Маттео хабар беради.
Эслатиб ўтамиз, Эшли Коул ўз твиттерида жамоадоши Жон Терри дисквалификациясининг ёзма асосларига номақбул тарзда муносабат билдирган эди.
"Албатта, клубда ижтимоий тармоқлардан фойдаланишда қатъий назорат ўрнатилган, шунинг учун жазо муқаррар. Бу масала ички тартибда ҳал қилинади. Мен Эшли билан гаплашдим, аммо бу шахсий суҳбат эди, холос. Ҳамма унинг чин дилдан кечирим сўраганини кўрди.
Мен ижтимоий тармоқларга қарши эмасман, улардан ақл билан фойдаланиш керак. Бу ажойиб мулоқот воситаси, аммо ҳозирги даврда жуда ҳам эҳтиёткор бўлиш керак. Албатта, ҳар бир қилмиш ўзининг ортидан кўргуликлар келтириб чиқаради", - дея Ди Маттеонинг сўзларнини келтиради "Челси" расмий сайти.