Тьерри Анри Кайл Уокернинг Винисиусга қарши ўйинидан ҳайратда қолди.
"Манчестер Сити" Чемпионлар лигаси ярим финали жавоб ўйинида "Реал Мадрид"ни 4:0 (жами 5:1) ҳисобида мағлуб этди.
Биринчи бўлимда 1:0 ҳисобида “шаҳарликлар” олдинда бораётган пайтда Винисиус чап қанотдан тўпни қабул қилиб олди ва жарима майдончасига югуриб кирмоқчи бўлди, бироқ Уокер унга етиб олди ва тўпни эгаллаб олди.
"Кайл Уокер йиртқич. Кайл югуриши керак бўлганда уни тўхтатиб бўлмайди.
Винисиус билан бўлган вазиятда у етиб олди, тўпни олиб, унга қаради ва "Хайр" деди ва бошқа томонга югурди. Бу жуда таъсирли эди.
У билан курашиш осон эмас, шунинг учун Уокерга ишонч билдириш керак” - деди Франциянинг собиқ ҳужумчиси BT Sport нашрига.
