Махачқалъанинг «Анжи» клуби меҳмонда Москванинг «Динамо» клубини мағлуб этди ва пешқадамлик мавқеини янада мустаҳкамлаб олди.

Жуда асабий ва кескин курашларга бой ўтган ўйинда Гуус Хиддинк шогирдлари салкам бир бўлим давомида бир киши кам бўлиб ҳаракат қилишди. Жоао Карлоснинг дастлабки дақиқаларданоқ қизил карточка олишига қарамай «Динамо» футболчилари бундан фойдалана олишмади. Иккинчи бўлим бошида эса энди москваликлар вакили Шильденфельд қизил карточка билан сийланди. Бундан эса «Анжи» футболчилар унумли фойдаланишди.

Аввалига Юрий Жирков ҳисобни очган бўлса, учрашув тугашига 3 дақиқа вақт қолганида махачқалъаликлар сардори Самуэль Это‘О ўртадаги фарқни иккитага оширди. Натижада «Анжи» навбатдаги уч очкони қўлга киритди ва энг яқин таъқибчиси «Терек»ни тўрт очкога ортда қолдирмоқда. Бугун «Москва дербиси»да ЦСКА «Спартак»ка қарши майдонга чиқиб ғалаба қозона олмаса, «армиячилар»нинг ҳам очколари 22тадан ошмайди ва бу фарқ сақланиб қолади.

РФПЛ. 11-тур
ДИНАМО – АНЖИ 0:2 (0:0)
Голлар: Жирков (76), Это′О (87).

Динамо: Шунин, Риков, Шильденфельд, Фернандес, Гранат, Юсупов (Мисимович, 87), Сапета (Семшов, 46), Янчер, Нобоа (Чичерин, 56), Жуджак, Кокорин.
Анжи: Габулов, Агаларов, Ж. Карлос, Самба, Жирков, Жусилей, Л. Диарра (Габулов, 90), Шатов, Буссуфа, Смолов (Карсела-Гонсалес, 73), Это′О.
Огоҳлантиришлар: Агаларов (13), Юсупов (58), Риков (82).
Четлатишлар: Ж. Карлос (9), Шильденфельд (52).