Куни кеча “Ал-Ҳилол” Рамон Диас кетганидан кейин бош мураббийсиз қолди. Globo Esporte хабарига кўра, Саудия клуби Титени мураббийлик лавозимига таклиф қилмоқчи. Манбанинг хабарига кўра, "Ал-Ҳилол" 61 ёшли мутахассис билан аллақачон музокаралар олиб бормоқда.
Тите деярли олти ойдан бери ишсиз. Жаҳон чемпионатидан сўнг у 2016 йилнинг июнь ойи ўрталаридан буён ишлаб келаётган Бразилия терма жамоаси бош мураббийи лавозимини тарк этди. Қатарда бўлиб ўтган жаҳон чемпионатида Тите бошчилигида "Селесао" чорак финалга қадар этиб борган ва у ерда Хорватияга пенальтилар сериясида мағлуб бўлганди.
“Ал-Ҳилол” айни дамда Саудия Арабистони лигаси турнир жадвалида тўртинчи ўринни эгаллаб турибди.
