"Манчестер Юнайтед" "Наполи" марказий ҳимоячиси Ким Мин Чжэ учун пойгада етакчилик қилмоқда.
Июль ойи бошидан клубларга жанубий кореялик футболчини 50 миллион евро эвазига сотиб олиш имкониятини берувчи товон пули банди кучга киради, “Манчестер Юнайтед” бундан фойдаланмоқчи.
Инсайдер Фабрицио Романонинг сўзларига кўра, 26 ёшли футболчи учун пойгада “қизил иблислар” яққол фаворит ҳисобланади, бироқ ҳозирча аниқ қадамлар қўйилгани йўқ. Мумкин бўлган имзо инглиз гигантининг янги эгаларига боғлиқ бўлади.
Яқинда Ким Мин Чжэ "ПСЖ" томонидан нишонга олингани маълум бўлганди. Transfermarkt футболчини 50 миллион еврога баҳоламоқда.