Каталониянинг “Барселона” клубида ўйнаётган ҳимоячи Роналд Араухо ҳужумчи Лионель Мессининг “кўк-анорранглилар” сафига қайтиши мумкинлиги ҳақидаги маълумотга изоҳ берди.
"Биз бу ҳақда кийим алмаштириш хонасида гаплашмаймиз. Бироқ, Лионель Мессидек ўйинчини жамоамизда доим кутиб олишади", - деди Араухо Sport.es билан суҳбатда.
Месси "Барселона" тарбияланувчиси. Каталония клуби таркибида ҳужумчи 2005 йилдан 2021 йилгача ўйнаган. Лионель сўнгги икки мавсумни парижликлар сафида ўтказди. Унинг парижлик гигант билан шартномаси жорий мавсум охирида якунига етади.
