“Севилья” ярим ҳимоячиси Эрик Ламела Европа лигаси ярим финалида “Ювентус”га қарши кечган жавоб ўйинидан сўнг ўз фикрларини билдириб ўтди. Андалусияликлар 2:1 ҳисобида зафар қучди.

“Бу ақл бовар қилмайдиган нарса эди. “Севилья” мавсум бошида яхши натижа кўрсата олмади, бироқ қаранг, ҳозир қаердамиз. Гол урганимда бошимдан кўп нарса ўтди. Бу лаҳза мени жуда хурсанд қилди. Жамоамиз чемпионликка бир қадам қолди. Бизда ажойиб имкониятлар бор", - деди аргентиналик ярим ҳимоячи УЕФА матбуот хизматига.

"Севилья" "Ювентус"ни умумий ҳисобда 3:2 ҳисобида мағлуб этди. Финал учрашувида испан клуби “Рома” билан куч синашади. Учрашув 31 май куни Будапештда бўлиб ўтади.