“Sevilya” yarim himoyachisi Erik Lamela Yevropa ligasi yarim finalida “Yuventus”ga qarshi kechgan javob o‘yinidan so‘ng o‘z fikrlarini bildirib o‘tdi. Andalusiyaliklar 2:1 hisobida zafar quchdi.
“Bu aql bovar qilmaydigan narsa edi. “Sevilya” mavsum boshida yaxshi natija ko‘rsata olmadi, biroq qarang, hozir qayerdamiz. Gol urganimda boshimdan ko‘p narsa o‘tdi. Bu lahza meni juda xursand qildi. Jamoamiz chempionlikka bir qadam qoldi. Bizda ajoyib imkoniyatlar bor", - dedi argentinalik yarim himoyachi UYEFA matbuot xizmatiga.
"Sevilya" "Yuventus"ni umumiy hisobda 3:2 hisobida mag‘lub etdi. Final uchrashuvida ispan klubi “Roma” bilan kuch sinashadi. Uchrashuv 31 may kuni Budapeshtda bo‘lib o‘tadi.
