“Рома” ҳужумчиси Тэмми Абрахам Европа лигаси ярим финалида “Байер”га қарши жавоб ўйинидан сўнг журналистлар билан суҳбатлашди. Учрашув 0:0 ҳисобида дуранг билан якунланди.

“Биз 90 дақиқа давомида ҳимояда ҳаракат қилдик. Менимча, кучли рақибга қарши ўйнасанг, шундай ҳаракат қилишинг керак. Мен жамоам билан фахрланаман. Истаган натижага эришишимизга шубҳам йўқ эди. Жамоадошларимга ушбу ўйин учун миннатдорчилик билдираман", - деди Абрахам УЕФА матбуот хизматига.

Европа лигаси финал учрашувида “Рома” “Севилья”га қарши баҳс олиб боради. Турнирнинг ҳал қилувчи баҳси 31 май куни Будапештдаги стадионда бўлиб ўтади.