"Барселона" бош мураббийи Хави Эрнандес келаси ҳафта клуб президенти Жоан Лапорта билан янги шартномасини муҳокама қилиш учун учрашади. Sport нашри хабарига кўра, томонлар тезроқ янги шартнома тузишга умид қилишмоқда.
Эслатиб ўтамиз, Хавининг "Барселона" билан амалдаги шартномаси келаси мавсум охирида якунига етади. Барча томонлар янги шартнома тузмоқчи, чунки раҳбарият Эрнандеснинг жорий мавсумдаги ишларидан қониқиш ҳосил қилмоқда. Хави клуб билан жорий мавсумда чемпионликни ва Испания Суперкубогини қўлга киритди.
Аввалроқ ёзда Хави раҳбариятдан таркибни жиддий кучайтиришни кутаётгани ҳақида хабар берилганди. Жамоа молиявий инқирозга қарамай, 7 нафаргача янги ўйинчини қўлга киритиши мумкин.
