"Barselona" bosh murabbiyi Xavi Ernandes kelasi hafta klub prezidenti Joan Laporta bilan yangi shartnomasini muhokama qilish uchun uchrashadi. Sport nashri xabariga ko‘ra, tomonlar tezroq yangi shartnoma tuzishga umid qilishmoqda.
Eslatib o‘tamiz, Xavining "Barselona" bilan amaldagi shartnomasi kelasi mavsum oxirida yakuniga yetadi. Barcha tomonlar yangi shartnoma tuzmoqchi, chunki rahbariyat Ernandesning joriy mavsumdagi ishlaridan qoniqish hosil qilmoqda. Xavi klub bilan joriy mavsumda chempionlikni va Ispaniya Superkubogini qo‘lga kiritdi.
Avvalroq yozda Xavi rahbariyatdan tarkibni jiddiy kuchaytirishni kutayotgani haqida xabar berilgandi. Jamoa moliyaviy inqirozga qaramay, 7 nafargacha yangi o‘yinchini qo‘lga kiritishi mumkin.
