"Реал" бош мураббийи Карло Анчелотти келаси ҳафтада Бразилия термасини бошқариш учун сўнгги имкониятга эга бўлади. "Пентакампеонлар" делегацияси италиялик мутахассисга якуний таклифини эълон қилиш учун шу кунларнинг бирида Мадридга келади.

Эслатиб ўтамиз, Чемпионлар лигасидан чиқиб кетганидан сўнг Анчелоттининг иши хавф остида. "Реал" бу мавсумда фақат бир марта Испания кубогини қўлга киритди, бу эса раҳбариятга тўғри келмайди. Карлонинг шартномаси келаси мавсум охиригача тузилган. Олдинроқ Анчелотти "Реал" билан келишувни охиригача ишлаб чиқишни, кейин эса ўзини халқаро футболда синаб кўрмоқчи эканини айтганди.