"Real" bosh murabbiyi Karlo Anchelotti kelasi haftada Braziliya termasini boshqarish uchun so‘nggi imkoniyatga ega bo‘ladi. "Pentakampeonlar" delegasiyasi italiyalik mutaxassisga yakuniy taklifini e’lon qilish uchun shu kunlarning birida Madridga keladi.
Eslatib o‘tamiz, Chempionlar ligasidan chiqib ketganidan so‘ng Anchelottining ishi xavf ostida. "Real" bu mavsumda faqat bir marta Ispaniya kubogini qo‘lga kiritdi, bu esa rahbariyatga to‘g‘ri kelmaydi. Karloning shartnomasi kelasi mavsum oxirigacha tuzilgan. Oldinroq Anchelotti "Real" bilan kelishuvni oxirigacha ishlab chiqishni, keyin esa o‘zini xalqaro futbolda sinab ko‘rmoqchi ekanini aytgandi.
