«Брентфорд» бош мураббийи Томас Франк ўз шогирди Айван Тоунининг саккиз ойга сафдан чиққанига қарамай, унга умид қилмоқда.

Эслатиб ўтамиз, ҳужумчи футболга пул тикгани учун жазоланган эди.

«Тоунининг келажаги, албатта, «Брентфорд» билан боғлиқ, мен бунга шубҳа қилмайман. Бу ёзда нима қилишимизни ҳали билмаймиз, лекин Айваннинг ўрни шубҳали эмас.

Бу хабардан сўнг у билан боғландик. Албатта, у вазиятдан ҳафсаласи пир бўлди», - деди Франк матбуот анжуманида.

Тоуни жорий мавсумда Премьер-лигада 20 та гол уриб, лигадаги учинчи тўпурарга айланди. Аввалроқ футболчининг «Челси»га ўтиши ҳақида хабарлар тарқалган эди.