«Brentford» bosh murabbiyi Tomas Frank o‘z shogirdi Ayvan Tounining sakkiz oyga safdan chiqqaniga qaramay, unga umid qilmoqda.
Eslatib o‘tamiz, hujumchi futbolga pul tikgani uchun jazolangan edi.
«Tounining kelajagi, albatta, «Brentford» bilan bog‘liq, men bunga shubha qilmayman. Bu yozda nima qilishimizni hali bilmaymiz, lekin Ayvanning o‘rni shubhali emas.
Bu xabardan so‘ng u bilan bog‘landik. Albatta, u vaziyatdan hafsalasi pir bo‘ldi», - dedi Frank matbuot anjumanida.
Touni joriy mavsumda Premyer-ligada 20 ta gol urib, ligadagi uchinchi to‘purarga aylandi. Avvalroq futbolchining «Chelsi»ga o‘tishi haqida xabarlar tarqalgan edi.
