"Ньюкасл" сўнгги 20 йил ичида биринчи марта Чемпионлар лигасига чиқишга яқин турибди.
Кеча Эдди Хау шогирдлари АПЛнинг 25-туридан ўрин олган қолдирилган ўйинда "Брайтон"ни мағлуб этишди (4:1) ва 36 ўйиндан сўнг 69 очко жамғаришди.
Келгуси мавсумда Чемпионлар лигаси гуруҳ босқичига йўл олиш учун "Ньюкасл"га "Лестер" ва "Челси"га қарши лиганинг қолган иккита ўйинида битта ғалаба керак.
"Ньюкасл" 20 йилдан бери Чемпионлар лигасида ўйнамади. Жамоа охирги марта 2002/03 йилги мавсумда турнирнинг гуруҳ босқичида иштирок этган.
“Ньюкасл” ҳозирда “Манчестер Юнайтед”дан 3 очко, “Ливерпул”дан 4 очко олдинда.
