"Nyukasl" so‘nggi 20 yil ichida birinchi marta Chempionlar ligasiga chiqishga yaqin turibdi.
Kecha Eddi Xau shogirdlari APLning 25-turidan o‘rin olgan qoldirilgan o‘yinda "Brayton"ni mag‘lub etishdi (4:1) va 36 o‘yindan so‘ng 69 ochko jamg‘arishdi.
Kelgusi mavsumda Chempionlar ligasi guruh bosqichiga yo‘l olish uchun "Nyukasl"ga "Lester" va "Chelsi"ga qarshi liganing qolgan ikkita o‘yinida bitta g‘alaba kerak.
"Nyukasl" 20 yildan beri Chempionlar ligasida o‘ynamadi. Jamoa oxirgi marta 2002/03 yilgi mavsumda turnirning guruh bosqichida ishtirok etgan.
“Nyukasl” hozirda “Manchester Yunayted”dan 3 ochko, “Liverpul”dan 4 ochko oldinda.
