Журналист Ферран Мартинеснинг хабар беришича, "Барселона" ёзги трансфер ойнасида икки ҳужумчи Ферран Торрес ва Ансу Фатини сотувга қўйган.
Манбанинг хабарига кўра, Каталония клуби Рафинья Диасни сотиш бўйича таклифларни ҳам тинглашга тайёр.
Футболчиларнинг ўзлари "Барселона"ни тарк этишни истамаяпти, аммо раҳбарият муҳимроқ ўйинчиларнинг келишини молиялаш учун ўйинчиларни сотишни режалаштирмоқда.
20 ёшли Фати жорий мавсумда барча турнирларда 46 та ўйин ўтказиб, 7 та гол урди ва 3 та голли узатмани амалга оширди.
23 ёшли Ферран 41 та ўйин ўтказиб, 7 та гол урди ва 2 та голли узатмани амалга оширди.