"Фиорентина" ярим ҳимоячиси Софьян Амрабат "Барселона"га ўтиши мумкин.
“Кўк-анорранглилар” устози Хави Эрнандеснинг таъкидлашича, клуб кетаётган Серхио Бускетснинг ўрнига янги ярим ҳимоячи сотиб олмоқчи. "Реал Сосьедад" футболчиси Мартин Субименди "Барселона" учун орзу ҳисобланарди, аммо футболчининг нархи жуда юқори бўлгани учун бу трансферни амалга ошириш деярли мумкин эмас.
Журналист Тони Хуанмартининг сўзларига кўра, арзонлаштирилган нархда сотиладиган Амрабат Каталония гиганти учун янги устувор вазифага айланди.
Эслатиб ўтамиз, марокашлик қишда "Барселона"да бўлиши мумкин эди, аммо "Фиорентина" ярим ҳимоячини қўйиб юборишдан бош тортди.
