"Милан"да ижара асосида ҳаракат қилаётган "Реал" ярим ҳимоячиси Браим Диас мадридликлар сафига қайтмоқчи.
Италиянинг ITASportPress ахборот агентлиги хабарига кўра, Диас сўнгги вақтларда ўз режаларини том маънода ўзгартирган, чунки бунгача у "Милан"да қолиш ниятида эди ва бу унинг раҳбариятининг режаларига тўғри келган.
Эслатиб ўтамиз, аввалроқ, "Реал"га қадар Диас "Манчестер Сити"да ўйнашга муваффақ бўлганди. У Испания терма жамоаси таркибида битта ўйин ўтказиб, битта гол урди.