"Реал" ҳимоячиси Пепе Испания чемпионати 7-турида икки гранд ўртасида кечган ўйиндан сўнг "Барселона" ўйинчиларини танқид қилди, дея хабар беради испан матбуоти.
Ўйин 2:2 ҳисобида дуранг билан тугади.
"Барселона" ўйинчиларида артистизм кучли, буни ҳамма кўрди. Аммо биз бунга кўникиб кетганмиз. Масалан, мен Иньестга тегмадим, аммо унинг қандай йиқилганини ҳамма кўрди. Ҳисобдан қониқмадим, "Реал" ғалабага ҳақли эди. "Барса" эса биринчи бўлимда биргина вазиятга эга бўлди ва гол урди. Нима бўлганда ҳам бу ўйиндан хурсандмиз. Бенземанинг гол ура олмагани афсусланарли бўлди. Маскерано Ўзилни чалгандай бўлди, бунга пенальти белгиланиши ҳам мумкин эди", - дейди португалиялик футболчи.
