"Барселона" ҳужумчиси Лионель Месси Испания чемпионати 7-турида "Камп Ноу"да "Реал" билан кечган учрашув (2:2) натижасидан кўнгли тўлмаганини изҳор қилди.
Учрашувда каталонияликларнинг иккала голига Месси муаллифлик қилди.
"Биз "Реал"ни 8 очко ортда қолдиришда давом этяпмиз, аммо олдинда кўплаб ўйинлар бор. Табиийки, ғалаба қозонмоқчи эдик, аммо биз "Реал"га қарши ўйнадик. Бу жуда қийин иш. Очколар фарқи бештага тушиб қолиши мумкин эди, лекин у сақланиб қолди. Сафимизда кўплаб ўйинчиларнинг жароҳатлари борлиги ачинарли. Аммо уларнинг ўрнига тушган футболчилар муносиб ўйнадилар", - дейди Месси.
