Мадриднинг “Реал” клуби бош мураббийи Карло Анчелотти Чемпионлар лигаси ярим финалида “Манчестер Сити”га қарши ўйинда ёмон ўйин кўрсатгани учун танқид қилинган ҳужумчиси Карим Бенземани ҳимоя қилди.
Эслатиб ўтамиз, "қироллик клуби" "Этиҳад"да кечган жавоб ўйинида 0:4 ҳисобида мағлуб бўлган эди.
“Бенземага танқидлар? Ҳаммаси сафсата. "Манчестер Сити"га қарши ёмон ўйнаган ягона ўйинчи Карим эмас. Янги ҳужумчи сотиб оламизми? Ҳозир бу ҳақда гапиришнинг вақти эмас. Биз бу масалани раҳбарият билан муҳокама қиламиз, аммо ҳозир бундай суҳбатлар учун тўғри вақт ва жой эмас", - деди Анчелотти матбуот анжуманида.
