Каталониянинг “Барселона” клуби “Ливерпуль” ҳужумчиси Роберто Фирминони ўз сафига қўшиб олиш учун курашда етакчилик қилмоқда, у тез орада Юрген Клопп жамоасидан кетиб, эркин агентга айланади.
Mundo Deportivo хабарига кўра, бразилиялик ҳужумчини трансфер қилиш учун айнан "кўк-анорранглилар" энг яхши имкониятга эга.
Фирминога, шунингдек, Карим Бензема ўрнига ҳужумчи қидираётган "Реал Мадрид" ҳам қизиқиш билдирмоқда. Бироқ манбанинг хабар беришича, ҳозирда пойгада “Барселона” етакчилик қилмоқда.
Фирмино жорий мавсум АПЛда 9 та гол урди ва 4 та голли узатмани амалга оширди.
