Мадриднинг “Реал” клуби бош мураббийи Карло Анчелотти ярим ҳимоячи Федерико Вальверденинг жаҳон чемпионати олдидан ва турнир тугаганидан кейинги ўйинини солиштирди. Эслатиб ўтамиз, ярим ҳимоячи ўйнаган Уругвай терма жамоаси Қатардаги жаҳон чемпионатида гуруҳдан чиқа олмади.
“Вальверде жаҳон чемпионатидан кейин ҳақиқатан ҳам пасайишга учради, у ўзининг энг яхши даражасини кўрсата олмади. Аммо Жаҳон чемпионатидан олдин Федерико шунчаки ақл бовар қилмайдиган эди. Ҳозирда унинг кичик жароҳати бор, бу унга тўлиқ куч билан машғулот ўтказишга халақит бермоқда", - деди Анчелотти матбуот анжуманида.
Вальверде жорий мавсум Испания чемпионатида 7 та гол урди ва 3 та голли узатмани амалга оширди. Уругвайлик ушбу самарали ҳаракатларнинг аксариятини жаҳон чемпионати олдидан ўз ҳисобига ёзиб қўйган.
