Немис тадбиркори Маркус Шон "Бавария" бош директори Оливер Канга электрон почта орқали хат юборди. Шон Мюнхен клубига Криштиану Роналдуни сотиб олишни таклиф қилди ва келишувни молиялаштиришда иштирок этишга тайёрлигини билдирди. Шу билан бирга, тадбиркор трансфер даврида Роналду футболкалари сотилганидан фоиз сўраган. Буларнинг барчаси ҳақида Abendzeitung ўз саҳифаларида хабар берди.
Goal портали бизнесменнинг таклифини ғалати деб атади ва Роналдунинг "Бавария"га ўтишини даргумонлигини айтди. Илгари португалиялик Мюнхен клуби билан боғланган, бироқ немис гиганти ёши катта юлдуз футболчи учун ортиқча пул сарфлашга тайёр эмаслигини маълум қилганди.
38 ёшли Роналду айни дамда Саудия Арабистонининг “Ан-Наср” клубида ҳаракат қилмоқда.
