20 май, шанба куни “Ливерпуль” ўз майдонида “Астон Вилла”ни қабул қилиб, АПЛнинг 37-туридан ўрин олган учрашувда дуранг (1:1) қайд этди. Шу тариқа, мерсисайдликлар Премьер-лигада қаторасига ўнта учрашувдан бери мағлубиятга учрамаяпти. Умумий ҳисоб 21:8.

“Ливерпуль” охирги марта 1 апрель, шанба куни “Манчестер Сити”га қарши сафарда (1:4) мағлуб бўлган эди. Ўшандан бери "қизиллар" қуйидаги жамоаларни мағлуб этишди: "Лидс" (6:1), "Ноттингем" (3:2), "Вест Хэм" (2:1), "Тоттенхэм" (4:3), "Фулхэм" (1:0), "Брентфорд" (1:0) ва “Лестер” (3:0). Мерсисайдликлар яна икки марта дуранг ўйнашди: "Челси" (0:0) ва "Арсенал" (2:2).

Эслатиб ўтамиз, бунгача Юрген Клопп шогирдлари Англия чемпионатидаги 27 ўйиндан 9 тасида мағлуб бўлишганди.

"Ливерпуль" АПЛ турнир жадвалида бешинчи ўринни эгаллаб турибди. Юрген Клопп шогирдлари 37 учрашувда 66 очко жамғарган.