"Наполи" "Удинезе"га ҳужумчи Бету учун таклиф билан чиқди, дея хабар беради инсайдер Жанлука Ди Марцио.

Манбага кўра, неаполликлар 25 ёшли португалиялик учун 25 миллион евро таклиф қилишган. "Удинезе" бу суммани 35 миллионга оширишни талаб қилмоқда - футболчининг шартномасида шу миқдор товон пули банди сифатида кўрсатилган.

Бундан ташқари, "Наполи" удинеликларнинг икки футболчиси - ярим ҳимоячи Лазар Самарджич ва ҳимоячи Родриго Бекаога қизиқиб қолган.

Жорий мавсумда Бету “Удинезе” сафида 30 та ўйинда майдонга тушиб, 10 та гол урди ва 1 та голли узатмани амалга оширди.