Мадриднинг "Реал" клуби "Тоттенхэм" ҳужумчиси Ришарлисонга қизиқиш билдирмоқда, дея хабар беради Defence Central.
Манба берган хабарга кўра, 26 ёшли бразилиялик футболчи билан "Эвертон"даги ишидан таниш бўлган мадридликлар бош мураббийи Карло Анчелотти футболчини "Қироллик клуби"да кўришни истайди.
2022/23 йилги мавсумда Ришарлисон “Тоттенхэм” сафида 34 та ўйинда майдонга тушиб, 3 та гол урди ва 4 та голли узатмани амалга оширди. Transfermarkt.com портали ҳужумчининг нархини 55 миллион еврога баҳоламоқда.