"Реал Мадрид" вингери Винисиус Жуниор жамоа Чемпионлар лигаси финалига чиқа олмаганидан хафа эканлигини айтди.
“Бу йил қилган барча ишимга қарамай, Чемпионлар Лигаси ва Ла Лигада ғолиб чиқма олмадик. Бу омадсизлик. Мен ривожланишда давом этмоқчиман, ўз ишимни яхшилашни хоҳлайман, лекин жамоа манфаати учун. Мен барча голларим ва голли узатмаларимни Чемпионлар лигаси финали учун алмаштирган бўлардим", - дея Винисиус сўзларини келтиради Sambafut.
Эслатиб ўтамиз, "Манчестер Сити" Чемпионлар лигаси ярим финал жавоб ўйинида "Реал"ни 4:0 ҳисобида мағлуб этди. Биринчи учрашув 1:1 ҳисобида якунланганди. Шу тариқа, “шаҳарликлар” турнирнинг ярим финалида “Милан”ни мағлуб этган “Интер” билан тўқнаш келадиган турнир финалига чиқди.
