"Барселона" яқин келажакда ярим ҳимоячи Френки де Йонг билан музокараларни бошлайди.
Каталонияликлар нидерландиялик футболчининг маошини пасайтириб, шартномани узайтирмоқчи. Бу ҳақда Испаниянинг Sport нашри хабар бермоқда.
Сўнгги йилларда матбуотда "Барселона"нинг маоши юқори бўлгани учун де Йонг билан хайрлашмоқчилиги ҳақида хабарлар пайдо бўлганди. Энди, афтидан, "кўк-анорранглилар" бошқа ечим қидирмоқда. Клуб ҳали ҳам молиявий қийинчиликларни бошдан кечирмоқда.
Эслатиб ўтамиз, 26 ёшли Френки де Йонгнинг амалдаги шартномаси "Барселона" билан 2026 йилнинг ўрталарига қадар амал қилади.