"Барселона" ҳужумчиси ва Польша терма жамоаси сардори Роберт Левандовски жамоадошлари Алекс Бальде ва Серхи Робертонинг Ла Лигадаги ғалабасидан сўнг россиялик мухлисларга йўллаган видеомурожаатига жавоб берди.
“Мен бу мурожаат ҳақида бироздан кейин билдим ва юмшоқ қилиб айтганда, жуда ҳайратда қолдим. Мен клубдан бу ҳолат ҳақида сўрадим ва бу расмий позиция эмас, балки Ла Лига трансляцияси ҳуқуқига эга бўлган ОАВ вакиллари билан учрашув чоғидаги баёнот эканлигини биламан.
Бундай вазиятларда сиз кўпинча ким билан гаплашаётганингизни ҳам билмайсиз. Бу, албатта, тушунтириш эмас, чунки аниқ бир нарсага эътибор берилмаган - ва натижада бу жуда ёмон бўлиб чиқди. Шу билан бирга, билишимча, клуб ушбу вазиятга жавобан қандайдир чоралар кўрмоқчи", - деди Левандовски.
